சிலாபம் பகுதியில் அதிகளவான மருந்துகளை வைத்திருந்த 29 வயது பெண் ஒருவர் நேற்று சனிக்கிழமை கைது செய்யப்பட்டுள்ளார்.
சிலாபம்-புத்தளம் பிரதான வீதியில் உள்ள தெதுரு-ஓயா வீதிக்கு அருகிலுள்ள பொலிஸ் சோதனைச் சாவடியில் அந்த பெண் இயக்கிய
வேன் சோதனைக்கு உட்படுத்தப்பட்டுள்ளது .
இதன்போது , 64 பெட்டிகளில் மருந்துச் சீட்டு மருந்துகள் இருந்ததை பொலிஸார் கண்டுபிடித்தனர், இதேவேளை பெண் ஓட்டுநரால் மருந்துகள் குறித்து சரியாக விளக்கம் அளிக்க முடியவில்லை எனவும் பொலிஸார் தெரிவித்துள்ளனர்.
அந்தப் பெண்ணின் பதிலில் சந்தேகம் ஏற்பட்டதன் பிரகாரம், அதிகாரிகள் அவரைக் கைது செய்து, மருந்துகளையும் வேனையும் பறிமுதல் செய்தனர்.
மாதம்பேயில் உள்ள பிராந்திய சுகாதார சேவைகள் பணிப்பாளர் அலுவலகத்திடம் நடத்தப்பட்ட விசாரணையில், மருந்துச் சீட்டு இல்லாமல் மருந்தை வைத்திருக்கவோ அல்லது கொண்டு செல்லவோ முடியாது என்பது கண்டறியப்பட்டது.
சிலாபம் பொலிஸார் சம்பவம் குறித்து மேலதிக விசாரணைகளை மேற்கொண்டு வருகின்றனர்.
